Mínboks á Heldini

Allir tænastuveitarar kunnu nú brúka Mínboks umvegis Heldina. Við vevtænastuni á Heldini fáast nýggir hentleikar til Mínboks, ið ikki vóru áðrenn, t.d. at kanna um borgarar hava Mínboks ella um brøv eru lisin.

Tað er ein fortreyt at vera á Heldini fyri at brúka Mínboks vevtænastuna. Allir tænastuveitarar kunnu brúka Mínboks vevtænastuna á Heldini

Niðanfyri er vegleiðing um, hvussu tit knýta í vevtænastuna á Heldini.

• Stig 0 Fyrireiking

  Áðrenn farið verður at brúka Mínboks vevtænastuna, skulu tit fyrst knýta í Heldina.

  Í leinkinum niðanfyri er vegleiðing um at knýta í Heldina:
  Knýt í Heldina

  Les meira um Mínboks vevtænastuna í leinkinum niðanfyri:
  Mínboks vevtænastan

  Gerið tykkum eisini tankar um, hvussu Mínboks skal sameinast við tykkara arbeiðsskipan, so sum 360, Nema Journal ella aðrar fakskipan.

• Stig 1 Knýt í Heldina

  Tað er ein fortreyt at vera á Heldini fyri at brúka Mínboks vevtænastuna.

  Les meira um, hvussu tit knýta í Heldina í leinkinum niðanfyri

  Knýt í Heldina

  Um tit eru á Heldini frammanundan, kunnu tit brúka verandi ambætara til Mínboks. Vit mæla tó til, at at eitt serstakt subsystem verður gjørt til endamálið.

  Mínboks vevtænastan er tøk í test- og produktionsumhvørvum.

  Hóast atgongd bara verður givin til vevtænastuna á testumhvørvinum í fyrstu atløgu, kunnu tit gera uppseting til bæði umhvørvini beinanvegin.

• Stig 2 Atgongd til vevtænastu í testumhvørvinum

  Áðrenn tit kunnu senda umvegis Mínboks vevtænastuna, skal Heldarbrúkarin (subsystemið) hava atgongd til Mínboks vevtænastuna.

  Sendið Talgildu Føroyum umbøn um atgongd á heldin@talgildu.fo.

  Í teldupostinum upplýsa tit hvør Heldarbrúkari skal hava atgongd til Mínboks vevtænastuna í testumhvørvinum. Tit fáa beinleiðis boð, tá ið Talgildu Føroyar hava avgreitt umbønina.

• Stig 3 Royn íbinding í testumhvørvinum

  Tá ið knýtið í Heldina er avgreitt, og Heldarbrúkarin hevur fingið atgongd til Mínboks vevtælnastuna, er klárt at fara undir at royndarkoyra integratiónina í testumhvørvinum.

  Teknisk test fongur fyri seg á vevtænastuni, har tit fáa boð, um brævið er komið rætt fram.

  Fyri at kanna, hvussu brævið sær út, tá ið tað er komið ´Mínboks hjá móttakaranum, fáa tit atgongd til Vangan í testumhvørvinum, har tit kunnu síggja endaligu brøvini.

  Testuppsetanin verður gjørd í samstarvi við Talgildu Føroyar.

• Stig 4 Verkset í produktionsumhvørvi

  Tá ið integratiónin í testumhvørvinum er nøktandi, er klárt at verkseta integratiónina í produktiónsumhvørvinum. 

  Sendið Talgildu Føroyum umbøn um atgongd á heldin@talgildu.fo.

  Í teldupostinum upplýsa tit, hvør Heldarbrúkari skal hava atgongd til Mínboks vevtænastuna í produktiónsumhvørvinum. Tit fáa beinleiðis boð, tá ið Talgildu Føroyar hava avgreitt umbønina.

  Tá ið atgongd til vevtænastuna er avgreitt er klárt at senda brøv í produktioónsumhvørvinum.