Mínboks er almenna talgilda postskipanin í Føroyum og er síðustillað við vanligan pappírspost.
Mínboks lýkur krøv um trygt talgilt samskifti. Allur postur er bronglaður og knýttur beinleiðis til P-talið hjá móttakaranum, so vissa er fyri, at tað er rættur móttakari á samskiftinum.
Mínboks er partur av Vanganum, og tí kunnu fólk lesa post sín bæði á teldu í Vanga appini.
Í 2023 samtykti Løgtingið lóg um Mínboks.
Høvuðsásetingarnar eru, at Mínboks fekk status sum almenna talgilda postskipanini í Føroyum, ið er síðustillað vanligan pappírspost. Eisini er rættarstøðan, um nær brævið er komið fram fastløgd.
Far til lógina í leinkinum niðanfyri:
Við heimild í § 8, stk. 1 í løgtingslóg um almennu talgildu postskipanina Mínboks er ásett í kunngerð um ábyrgd, uppgávur og eftirlit í sambandi við, at Gjaldstovan viðger persónupplýsingar í almennu talgildu postskipanini Mínboks vegna dátuábyrgdara, at almennir stovnar og løgfrøðiligir persónar eru dátuábyrgdarar fyri viðgerð av teimum persónupplýsingum, ið hesir senda og goyma í almennu talgildu postskipanini Mínboks. Gjaldstovan er dátuviðgeri vegna dátuábyrgdaran, og viðgerð sostatt persónupplýsningar, ið hesir senda og goyma í Mínboks.
Far til kunngerð í leinkinum niðanfyri:
Yvirlit yvir undirdátuviðgerar í Mínboks:
Gjaldstovan hevur sambært kunngerðini í § 8, stk. 3 í løgtingslóg um almennu talgildu postskipanina Mínboks loyvi at nýta undirdátuviðgerar. Í tí sambandi skal eitt dagført yvirlit yvir undirdátuviðgerar vera tøkt á heimasíðu hjá Gjaldstovuni, í hesum føri talgildu.fo og vangin.fo/minboks
Far til kunngerð í leinkinum niðanfyri:
Set teg í samband við Jens Petur Andreasen, virkisrøktara, á jenspetur@talgildu.fo
